講下自己少少背景先啦～我對眼袋係遺傳架！
其實我成日話自己嘅無敵大眼袋係遺傳，全屋企都無信我！但我講真，如果唔係遺傳邊可能二十中就有對咁犀利既眼袋？我對眼袋大到好似四十幾歲人咁，我覺得係關我面骨構造事，而且我知道除左去做眼袋抽脂手術最徹底之外，做其他眼部療程好似都要Keep住做，但如果唔盡早做既話，到時候隨住自己開始變老，膠原就會流失得更多更快、眼袋入面既脂肪就會愈積愈多......
但我仲後生，暫時唔想係眼皮割一刀......鬼知自己會唔會皮膚增生？鬼知自己傷口埋得好唔好？如果個疤痕好明顯令下眼瞼突起呢？或者個傷口發炎呢？我有個表妹割完雙眼皮、開埋眼角，眼角個位仲有縫線既時候已經見到有肉粒，拆線之後粒肉粒無消失到......於是佢永世都有個傷口帶黎既肉粒，佢甚至都唔係皮膚增生體質既人。
而且我上網做左功課，好似話做完眼袋療程都唔係「保一世」，有可能啲脂肪會重新生返同累積落個個位，因為有啲人既體質就係咁樣......所以我都唔敢咁快就博！Anyway，我呢個眼袋苦命人雖然要出錢出力去眼袋，好可能揀岩去眼袋療程之後仲要Keep一世，但其實我都已經自洽和解左！好多人都比我更加慘，遺傳性暗瘡肌咪仲慘，仲有濕疹同紅斑狼瘡個啲呢？有啲人仲可能有遺傳性脫髮呢？
有咗呢個覺悟之後，我就開始好比心機去揀啲CP值高既去眼袋療程！有啲錢係要比！
MIOGGI 微晶眼袋槍—上咗去因為太hardsell、太貴就逃跑咗！
其實我唔係太知點解會叫微晶眼袋槍，因為明明就係用射頻技術既眼袋槍......不過人地點改名都唔關我事啦，講開又講，其實去眼袋黎黎去去就得幾個技術，因為重點係用安全高效方式去加熱眼底同眼底脂肪層，令眼底溫度升高既技術有最常見既單極同雙極射頻、比較貴既超聲波等，市面上九成去眼袋療程都係用射頻，但有單極、雙極同多極射頻之分，而超聲波就比較少美容院會入機（應該係部機比較貴），其實只要能量度數夠高、深度夠深，可以精準加熱眼底唔同層面，就可以刺激眼部膠原蛋白增生同埋加速眼袋脂肪溶解同排走，個原理就好簡單，係用微電流、聲波令眼部肌底生熱，其實美容院既機比起一般淘寶買既咩射頻美容儀既功率高好多，所以我覺得去美容院做一次療程仲好過喺屋企自己做十次。
其實我揀 MIOGGI 微晶眼袋槍既理由好簡單——就係因為我返工會途經朗豪坊，佢地就係朗豪坊出口個度打廣告，有張海報（張海報係某個女星都幾令架），我日睇夜睇就撞左邪哈哈哈，不過當我每次問親友，親友都唔太清楚呢間評價如何......我連網上睇既review都唔多，本身呢間野可能搵夠所以MIOGGI 微晶眼袋槍唔太落廣告？可能MIOGGI 背後有條大水喉射住？MIOGGI 微晶眼袋槍療程應該都係行貴婦路線個種。
我都驚貴，不過我係真係想搞好個眼袋佢，無論點都要貨比貨架啦，知下行價先知點貨比三家，於是我都膽粗粗去左 MIOGGI，一心諗住試MIOGGI 微晶眼袋槍。
MIOGGI……真係好hardsell，我平時只係去街坊蚊型美容院，雖然佢地既機唔大部亦都唔夠新，但勝在啲阿姨同姐姐真係好nice好實誠，亦都唔會hea做.....我上到去MIOGGI之後雖然立即都有招呼，但就話因為我無booking就上去（我話其實我喺佢地website book左架啦）所以要我等，因為佢保證只係等一陣，所以我就等.....一等就差唔多20分鐘，因為又得我一個人上去，所以一直都好掙扎走唔走好，我想開口同佢地講聲話走既時候，佢地就咁岩話可以入房傾下MIOGGI 微晶眼袋槍啦......
於是我就入左房，因為已經浪費左好多時間，所以我直接就話想試做MIOGGI 微晶眼袋槍，個顧問就話淨係試做咋？試做無野睇架喎！又話我地無試做架喎，你可以選擇做單次完整療程，但買成個Plan每次可以慳返幾多幾多錢啊......我都唔係太記得做一次幾錢，好似差唔多要2k？我記得出面一次去眼袋槍／去眼袋療程好似公價千三上下，所以都打左個突，有少少懷疑佢地獅子開大口，只係為左迫我買MIOGGI 微晶眼袋槍 Plan，但我唔試 MIOGGI 微晶眼袋槍係咩料我又唔會買......
於是就坐喺過度唔知點咁，佢講咩點樣Hardsell我，我都無聽得好清楚，水過鴨背咁，因為內心掙扎緊一場黎度要唔要試下MIOGGI 微晶眼袋槍，定係直接走？......跟住個顧問就惡聲惡氣咁喝我、有啲躁底咁問我其實仲考慮啲咩呢？有咩問題？因為你上黎就係為左搞好個眼袋佢，其實而家出面公價都係呢個價錢架啦.....
佢黑曬面，聽到我都好驚，於是我最後比左一次大錢試左個療程，全程都好hea，潔面完落gel之後用個探頭係咁咦look幾野就話完左......好似4分鐘就完左，我淨係feel到暖暖地，無咩其他感覺（但之後睇返鏡眼紋的確係淡左，眼周拉提上去出現返雙眼皮，對眼都無咁浮腫）。
一試做完我就走左，佢都無攔我，我好似走難咁衝出去等lift，其實感覺都真係好差，覺得浪費自己車錢時間（唔返工個日都要出黎旺角），而且明明我係客，點解好似我上黎呃療程做咁，仲要比人黑面同睇唔起.......如果我真係買左，佢地都會覺得我係水魚架啦......總之個感受真係好差，好彩我無一時要面去買 MIOGGI 微晶眼袋槍療程。
Perfect Medical I-Genius 眼袋槍—呢個真係有試做，但無廣告講咁平！
MIOGGI 微晶眼袋槍真係請我去做都唔去，如果真係單次療程好可能都係hea做我，因為佢地班顧問態度咁差，治療師肯定都唔會好得去邊啦......跟住我就搵左間係真係有試做，講到明免費試做同埋有親友做過既Perfect Medical。
Perfect Medical個名大家都應該聽過，因為佢地瘋狂洗板n次，只要你click過佢地任何一個廣告佢都追到你去天腳底，的確係有啲煩......我不嬲都好驚呢啲，不過有親友試過，佢話上到去其實ok，正常野黎，無論服務同做機都正常專業既，無咩特別野、會sell，所以都係做足功課睇下自己想做咩機、心裡面知道下行價先上去好啲，試做完覺得療程感受無咩特別或者敏感，而Plan break開個價又OK，Meet到心裡面個價格其實就可以去馬。
既然親友講到咁正常，咁我就做多啲功課先上去啦今次！上網登記左之後好快有CS打黎Confrim曬所有野，呢點令我覺得好安心，因為上次既不愉快經歷，我覺得真係有理說不清，而家有打黎confrim返就好，而且唔會覺得「無尾飛砣」，到時上到去話我無登記就口同鼻拗......
上到Perfect Medical check in之後坐低等陣，等既時候有花茶飲，之後就會被顧問招呼入房，會做個好似好專業既皮膚測試（其實都幾聰明，因為邊有人只會有一個皮膚問題？咁佢就可以乘機sell多啲野啦）做皮膚測試既時候我都好緊張，驚佢地會狂hardsell我唔想要或太貴既野......皮膚報告都好詳盡呀，表面上睇唔太到、但其實我底層都幾多色斑，皮膚缺水、毛孔粗大呢啲就唔在講啦梗有既，不過因為仲後生，皺紋個啲都OK，就係眼袋下垂同眼紋多囉。
佢地都集中講返我個眼袋問題，仲好詳細咁講解返I-Genius 眼袋槍既原理同計埋以我既情況大概要做幾多次先可以改善眼袋問題——我係呢度都講兩嘴啦下，I-Genius 眼袋槍療程有全球唯一結合超聲波及單極射頻同步發放的技術，再配合CYRO冷凍探頭（我喺官網抄既），即係佢地意思係佢地個眼袋槍有三種技術。
佢地勁順攤就咁比我去免費試做一次先講（我個陣就知道呢個I-Genius 眼袋槍療程肯定唔平）而且佢地好有信心咁比我去試做，等陣仲唔sell到我爆廠？不過我上黎其實就係為左試機，所以我都懷住好忐忑不安既心情去左。
I-Genius 眼袋槍療程個療程過程勁簡單，基本瞓上去幫你卸妝同抹乾淨塊面之後，搽完眼gel就開始做......個探頭熱熱地好舒服，而且唔止眼底，連上眼皮都會輕輕碌兩碌，而太陽穴位都會，其實兩對眼周就咁多大細，好快就look完......大概5-10分鐘度啦我諗？雖然我覺得好似好快咁，不過我諗諗下機做全塊面都只不過15分鐘度，咁淨係做眼10分鐘都好正常，因為高能量療程真係唔係做得愈耐愈好、能量愈高愈好架！
做完又入房，比塊鏡我去睇前後對比，又做多左次皮膚測試，其實效果比我想像中好好多，我睇鏡就已經知有效果，個下真係心動到爆炸、好想買療程，但忍住先，梗係要表達到興趣缺缺啦......於是我全程好冷靜咁同佢地對答、問自己想知既野打斷佢既hardsell，問我咁既情況做幾多次、會改善幾多、join plan點玩法一次實數要幾多錢......
因為做完個下見到眼周白左好多、細紋淡到無曬咁，而且眼袋好似縮細左八成，無再好似以前咁突起，可能因為無左個眼袋既陰影，連黑眼圈都淡左好多添。
絲打們，最後我試做完直接就買左一個I-Genius 眼袋槍療程Plan。
係，我都覺得我係一個乖到爆、勁順攤既客，不過我諗佢地個眼袋槍有3個技術咁勁，好似勁過外面淨係得射頻既眼袋槍喎......人，總係比「抵食夾大件」吸引既，3總好過1。
不過我奉勸各位絲打都唔好抱有幻想，因為呢度既價錢絕對係正常（你睇下人地咁多令女招呼你又花茶又海景房又盛），唔好以為佢地有得免費試做、仲話xxxx/10次就信曬，佢地唔係頂爛市，上到去你想做靚機、真係有效既機都係正常價錢，有心理準備先啦！
Perfect Medical I-Genius 眼袋槍療程 ←我覺得主打係去眼袋
請先 登入 以發表留言。